«Яуабын үҙең эҙлә!» интеллектуаль уйыны
12 майҙа Иҫке Муса ауыл китапханаһында Ғаилә көнөнә арналған «Яуабын үҙең эҙлә!» уйыны үтте. Балалар Гөлфиә Юнысованың «Донъя менән танышам», Гүзәл Ситдиҡованың «Ҡолонсаҡ арғымаҡ булыр бер саҡ», Земфира Аҡбутинаның «Атай кеүек булам мин», Әминә Раҡаеваның «Уйнайыҡ уйлап ҡына» китаптары менән танышты, уларҙан уҡылған ғаилә ағзалары хаҡындағы шиғырҙарҙы тыңланы. Сараның төп өлөшө бирелгән һорауҙарға яуаптар эҙләүгә, ғаилә ағзаларына матур һүҙҙәр уйлап табыуға һәм уларҙы тәмлекәстәр менән һыйлау өсөн рецепттар менән уртаҡлашыуға арналды.
Дата публикации: 31.05.2023.
Просмотры: 90